តើអាជា្ញធរ ហ៊ានបញ្ជូនសំណុំរឿងលោកលាង និងកូនឈ្មោះសួន រស្មី និងអ្នកពាក់ព័ន្ធ ទៅតុលាការ ដើម្បីអនុវត្តច្បាប់ស្តីពីល្បែងស៊ីសងដែលឬទេ ខណៈដែលអាជ្ញាធរ បានចុះបិទទីតាំងនិងធ្វើកិច្ចសន្យា បញ្ឈប់ជាច្រើនដងហើយ នៅតែមិនរាងចាល់

 

ខេត្តកំពង់ស្ពឺ៖ករណីល្បែងស៊ីសង១កន្លែង ស្ថិតនៅភូមិសំរោង ឃុំត្រពាំងគង ស្រុកសំរោងទង ខេត្តកំពង់ស្ពឺ ដែលគេស្គាល់ឈ្មោះម្ចាស់ផ្ទះថា ឈ្មោះលោកលាង តែបើយោងតាមសំដីលោកនាយប៉ុស្តិ៍នគរបាលរដ្ឋបាលត្រពាំងគង បច្ចុប្បន្នគឺផ្ទេរឱ្យកូនឈ្មោះ សួន រស្មី ភេទប្រុស អាយុ ២៥ ឆ្នាំ ត្រូវបានបង្ក្រាបនៅរសៀលថ្ងៃទី០៧ ខែតុលា ឆ្នាំ២០២៥នេះ ។

គួរបញ្ជាក់ផងដែរថា ទីតាំងខាងលើនេះត្រូវបានបង្ក្រាប ជាច្រើនលើកច្រើនសារ ណាស់មកហើយ តែមិនរាងចាល់ទាល់តែសោះ គឺបានត្រឹមតែធ្វើកិច្ចសន្យា គឺមិនដែលបានអនុវត្តន៍ចំពោះម្ចាស់ទីតាំង អ្នកចាត់ចែងល្បែង និងអ្នកញៀនល្បែងទាំងនោះ តាមច្បាប់ស្តីពីល្បែងស៊ីសងនោះឡើយ ទើបធ្វើឱ្យអ្នកទាំងនោះ ចេះតែផ្គើននិងច្បាប់បែបនេះ។

ពលរដ្ឋខ្លះលើកឡើងថា ល្បែងស៊ីសងទាំងនេះដំណើរការទៅបាន គឺដោយសារអាជ្ញាធរក្នុងមូលដ្ឋានដូចជា៖មេភូមិ មេឃុំ និងមេប៉ុស្តិ៍ គឺមិនយកចិត្តទុកដាក់ចំពោះភូមិឃុំសុវត្ថិភាពនោះទេ ជាក់ស្តែងផ្ទះលោកលាង ដែលផ្ទេឱ្យកូនឈ្មោះ សួន រស្មី គឺជាប់និងរបងផ្ទះលោកអនុភូមិសំរោងតែម្តង តែអនុភូមិរូបនោះសំងំដេកលង់លក់ដោយមិនខ្វល់ពីល្បែងជាប់ជញ្ជាំងផ្ទះរបស់លោកឡើយ។

យោងតាមប្រសាសន៍ថ្នាក់ដឹកនាំធ្លាប់លើកឡើងថា ហាងការហ្វេ ហាងគុយទាវណាក៏ដោយ ឱ្យតែប្រព្រឹត្តិនូវល្បែងស៊ីសងដោយខុសច្បាប់ គឺត្រូវបិទទាំងអស់ បិទទាំងល្បែងស៊ីសង បិទទាំងការលក់ដូរ តែអាជ្ញាធរក្នុងមូលដ្ឋាននោះ ហាក់បីដូចចាក់ទឹកលើស្លឹកឈូក មិនអនុវត្តន៍ទាល់តែសោះ។

គិតត្រឹមម៉ោងនេះ អ្នកបើកកន្លែងល្បែងស៊ីសង អ្នកកាន់កាប់ល្បែងស៊ីសង អ្នកចាត់ចែង និងភ្នាក់ងារស៊ីសងនៅទីតាំងខាងលើ ទោះជាមានការបង្ក្រាប

ជាច្រើនលើកច្រើនសារយ៉ាងណាក៏ដោយ ក៏មិនទាន់ឃើញបញ្ជូនខ្លួនអ្នកទាំងនោះ ទៅកាន់តុលាការនៅឡើយទេ។

យោងតាមច្បាប់ស្តីពីល្បែងស៊ីសង

ជំពូក១

មាត្រា១៖ត្រូវហាមឃាត់ជាដាច់ខាតការលេងល្បែងស៊ីសងគ្រប់ប្រភេទ នៅគ្រប់ទីកន្លែងទូទាំង ព្រះរាជាណាចក្រកម្ពុជា លើកលែងតែបានទទួលការអនុញ្ញាតពីរាជរដ្ឋាភិបាល ។

ជំពូក៣

មាត្រា៤៖ជនណាលេងល្បែងស៊ីសងជននោះ ត្រូវផ្តន្ទាទោសពិន័យជាប្រាក់១០,០០០៛ ដល់៥០,០០០៛ ឬដាក់គុកពី១សប្តាហ៍ ដល់១ខែ។

មាត្រា៥៖ត្រូវផ្តន្ទាទោសពិន័យជាប្រាក់ពី៥,០០០,០០០៛ ដល់២០,០០០,០០០៛ និងដាក់គុកពី១ឆ្នាំដល់៥ឆ្នាំ ចំពោះអ្នកបើកកន្លែងល្បែងស៊ីសង អ្នកកាន់កាប់ល្បែងស៊ីសង អ្នកចាត់ចែង និងភ្នាក់ងារស៊ីសង។ករណីពុំរាងចាល់ ត្រូវផ្ទន្ទាទោសពិន័យជាប្រាក់ និងដាក់គុកជាអតិបរមា។

មាត្រា៨៖ការផលិត ការនាំចូលដើម្បីធ្វើអាជីវកម្ម ការលក់ ឧបករណ៍ល្បែងស៊ីសងស៊ីសង គ្រប់ប្រភេទដោយគ្មានការអនុញ្ញាតពីរាជរដ្ឋាភិបាល ត្រូវផ្តន្ទាទោសពិន័យជាប្រាក់ ពី៥០០,០០០៛ ដល់៥,០០០,០០០៛ និងដាក់គុកពីមួយខែដល់មួយឆ្នាំ។ ឧបករណ៍វត្ថុតាង ខាងលើនេះត្រូវរឹបអូស ក្នុងករណីពុំរាងចាល់ ត្រូវផ្តន្ទាទោសពិន័យជាប្រាក់និងដាក់គុកជាអតិបរមា។

មាត្រា១១៖ជនណាដែលចេញមុខការពាងវង់ល្បែង ឬបនល្បែងស៊ីសងគ្រប់ប្រភេទ នៅទីណា ក៏ដោយ ត្រូវផ្តន្ទាទោសដាក់គុកពីមួយឆ្នាំ ដល់ប្រាំឆ្នាំ។

ពលរដ្ឋសំណូមពរ ឱ្យមន្ត្រី អនុវត្តន៍ច្បាប់ឱ្យបានតឹងរឹង ចំពោះអ្នកទាំងនោះ ដើម្បីធានាឱ្យបាននូវភូមិឃុំសុវត្ថិភាពក្នុងមូលដ្ឋាន ជៀសវាង ជោរលួច ចោរឆក់ ចោរប្លន់ ក្នុងមូលដ្ឋានខ្លួន។

ប្រសិនបើមានប្រតិកម្មណាមួយ ក្រោយពីការចេញផ្សាយ ពីភាគីពាក់ព័ន្ធ ភាគីទាំងនោះ អាចទាក់ទងមកស្រាយមកកាន់អង្គភាពយើងបានរៀងរាល់ម៉ោងធ្វើការដោយយោងពីច្បាប់ស្តីពីរបបសារព័ត៌មាន និងធម្មនុញវិជ្ជាជីវៈសារព័ត៌មាន។

រក្សារសិទ្ធិដោយ៖គេហទំព័រ រស្មីនាគមាស

👉(សូមអានបន្ត)

ជើងហោះហើរត្រង់លើកដំបូង របស់ក្រុមហ៊ុនអាកាសចរណ៍លំដាប់ពិភពលោក Etihad Airways មកពីទីក្រុងអាប៊ូដាប៊ី ប្រទេសអារ៉ាប់រួម បានចុះចតដោយជោគជ័យ នៅអាកាសយានដ្ឋានអន្តរជាតិតេជោ

(ភ្នំពេញ)៖ នៅម៉ោងប្រមាណ៧ព្រឹកថ្ងៃទី៤ ខែតុលា ឆ្នាំ២០២៥នេះ ជើងហោះហើរត្រង់លើកដំបូង របស់ក្រុមហ៊ុនអាកាសចរណ៍កម្រិតពិភពលោក Etihad Airways (EY) ដែលដឹកអ្នកដំណើរពីទីក្រុងអាប៊ូដាប៊ី (AUH) ប្រទេសអារ៉ាប់រួម បានចុះចតដោយជោគជ័យ នៅអាកាសយានដ្ឋានអន្តរជាតិតេជោ ដើម្បីបញ្ជាក់ពីការចាប់ផ្តើមប្រតិបត្តិការហោះហើរ   ភ្ជាប់កម្ពុជាទៅកាន់ពិភពលោក។

👉(សូមអានបន្ត)

ឧបនាយករដ្ឋមន្ត្រី ហង់ជួន ណារ៉ុន៖ ទិវាគ្រូបង្រៀន ជាការរំឭកគុណគ្រូគ្រប់ជំនាន់ ដែលតស៊ូបង្ហាត់ បង្រៀន និងការផ្ទេរចំណេះដឹងតាមគ្រប់រូបភាពដល់សិស្ស

(ភ្នំពេញ)៖ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា នាព្រឹកថ្ងៃទី៦ ខែតុលា ឆ្នាំ២០២៥នេះ បានអញ្ជើញជាអធិបតីក្នុងពិធីទិវាគ្រូបង្រៀន ៥ តុលា ២០២៥ ក្រោមប្រធានបទ «គ្រូបង្រៀនជាតួអង្គសំខាន់ នៃបរិវត្តកម្មបញ្ញាសិប្បនិម្មិត» ដែលប្រារព្ធនៅវិទ្យាស្ថានជាតិអប់រំ ដោយមានការចូលរួមពីសំណាក់លោកស្រី Esther McFarlane ប្រធាន​ផ្នែក​អប់រំ នៃ​អង្គការ​យូណេស្កូ​ប្រចាំ​ប្រទេស​កម្ពុជា ថ្នាក់ដឹកនាំក្រសួងអប់រំ យុវជន និងកីឡា មន្ត្រីមកពីអង្គភាពពាក់ព័ន្ធ តំណាងមន្ទីរអប់រំរាជធានី-ខេត្តទាំង២៥ នាយក នាយិកា លោកគ្រូ អ្នកគ្រូ ភ្ញៀវកិត្តិយសជាតិ និងអន្តរជាតិ និងគរុនិស្សិតជាច្រើនរូប។

👉(សូមអានបន្ត)

បទល្មើសនេសាទ កើតឡើងពេញបន្ទុកក្នុងខេត្តតាកែវ ក្នុងរដូវបិទនេសាទ តែមិនឃើញមន្ត្រីជំនាញជលផលចុះបង្ក្រាប់ទាល់តែសោះ

 

ខេត្តតាកែវ៖នៅព្រឹកថ្ងៃទី២៥ ខែកញ្ញា ឆ្នាំ២០២៥ អង្គភាពគេហទំព័រ រស្មីនាគមាស និងក្រុមការងារជាច្រើនអង្គភាពទៀត បានជួលទូកប្រជានេសាទចេញពីភូមិធន់ម៉ុន សង្កាត់បារាយ ក្រុងដូនកែវ ដើម្បីចុះដល់ទីតាំងដែលប្រព្រឹត្តនូវបទល្មើសនេសាទក្នុងរដូវបិទនេសាទនេះ ស្រាប់តែប្រទះឃើញនូវបទល្មើសនេសាទប្រភេទស្បៃមុង ជាច្រើនកន្លែង(រាប់១០០០ម៉ែត្រ)

កំពុងបង្អួតរាងនៅលើផ្ទៃទឹក ស្ថិតក្នុងស្រុកបូរីជលសារ ស្រុកអង្គរបុរី និងស្រុកកោះអណ្តែត។

ចំពោះទីតាំងឃុំក្នុងស្រុកនីមួយៗដែលសំបូរបទល្មើសនេសាទរួមមាន៖

- ស្រុកបូរីជលសារ មានចំនួន៣ឃុំ

១/ឃុំជ័យជោគ

២/ឃុំកំពង់ក្រសាំង

៣/ឃុំបូរីជលសារ

- ស្រុកអង្គរបូរី មានចំនួន១ឃុំ

១/ឃុំគោកធ្លក

-ស្រុកកោះអណ្តែត មានចំនួន១ឃុំ

១/ឃុំរមេញ

ក្នុងចំនួនទាំង៣ស្រុក ក្នុងខេត្តតាកែវនេះ គឺមានតែស្រុកបូរីជលសារប៉ុណ្ណោះទេ ដែលសំបូរបទល្មើសនេសាទដោយខុសច្បាប់ច្រើនជាងគេ ក្នុងរដូវបិទនេសាទនេះ។

យោងតាមប្រភពពីប្រជានេសាទ ដែលនេសាទលក្ខណៈគ្រួសារ បានលួចបង្ហើបប្រាប់ក្រុមការងារយើងអោយដឹងថា របាំងស្បៃមុងដែលមានប្រវែងវែងរាប់១០០០ម៉ែត្រនេះ គឺសុទ្ធសឹងតែជាជនជាតិវៀតណាម ដែលមកនេសាទដោយខុសច្បាប់នៅស្រុកខ្មែរ ហើយបានអោយបុគ្គលម្នាក់ឈ្មោះ សុខ ឡេះ តួនាទីជា

មន្ត្រីPM ជាអ្នករត់ការណ៍យកលុយពីក្រុមឈ្មួញទាំងនោះយកទៅចាត់ចែងជាមួយបុគ្គលពាក់ព័ន្ធ។

បើយោងតាមសេចក្តីជូនដំណឹងរបស់ រដ្ឋបាលជលផល ក្រសួងកសិកម្មរុក្ខាប្រមាញ់និងនេសាទ ស្តីពីរដូវបិទនេសាទក្នុងឆ្នាំ២០២៥ ក្នុងខេត្តតាកែវ គឺគិតចាប់ពីថ្ងៃទី១ កក្កដា ដល់ថ្ងៃទី៣១ ខែតុលា ឆ្នាំ២០២៥។

ក្នុងរដូវបិទនេសាទនេះ រដ្ឋបាលជលផលសង្កត់ធ្ងន់ថា អ្នកនេសាទទាំងអស់ត្រូវប្រើតែឧបករណ៍លក្ខណៈគ្រួសារ ដែលមានចែងក្នុងប្រកាសលេខ៤៥៨ ប្រក.កសក ចុះថ្ងៃទី២២ ខែតុលា ឆ្នាំ២០១២។

ពលរដ្ឋសំណូមពរដល់៖

-ឯកឧត្តមអភិបាលខេត្តតាកែវ 

-នាយឧត្តមសេនីយ៍ សៅ សុខា 

-លោកមេបញ្ជាការអាវុធហត្ថខេត្តតាកែវ 

-រដ្ឋមន្ត្រីក្រសួងកសិកម្ម រក្ខាប្រមាញ់ និងនេសាទ

-ប្រធានមន្ទីកសិកម្ម រក្ខាប្រមាញ់ និងនេសាទ

មេត្តាជួយត្រួតពិនិត្យចំពោះភាពមិនប្រក្រតីទាំងនេះផងជាពិសេស គឺលោកសុខ ឡេះ និងលោកនាយខណ្ឌរដ្ឋបាលជលផលតែម្តង។

អង្គភាពរបស់យើងមិនមានលេខទំនាក់ទំនងរបស់លោកឡេះទេ ប្រសិនបើលោកឡេះ បានឃើញនូវព័ត៌មាននេះ សូមជួយបកស្រាយជុំវិញការលើកឡើង របស់ឈ្មោះលោក ករណីរឿងរត់ការអោយបទល្មើសនេសាទ និងពីតួនាទីរបស់លោក ជាមន្ត្រីPmមែនឬមួយមិនមែនទេ ដើម្បីកុំអោយមានព្យសនកម្មដល់ស្ថាប័នអាវុធហត្ថ។

តែទោះជាយ៉ាងណា ខ្លឹមសារខាងលើនេះគឺគ្រាន់តែសរសេរតាមប្រភពព័ត៌មាន របស់យើងផ្តល់ជូនតែប៉ុណ្ណោះ។

ក្រោយពីការចុះផ្សាយ ប្រសិនបើមានប្រតិកម្មណាមួយពីភាគីពាក់ព័ន្ធ ភាគីទាំងនោះអាចបកស្រាយ តាមរយៈអង្គភាពយើងបាន រៀងរាល់ម៉ោងធ្វើការដោយយោងពីច្បាប់ស្តីពីរបបសារព័ត៌មាន និងធម្មនុញ្ញវិជ្ជាជីវៈសារព័ត៌មាន។

🌐 (https://www.linkedin.com/company/ministryofinformation/) Website (http://www.k-raksmeyneakmeas.com.kh/)     🌐 Facebook (https://web.facebook.com/education.rean)

 (https://web.facebook.com/TheMinistryOfInformation/?_rdc=1&_rdr)🌐 YouTube​   (https://www.youtube.com/@raksmeyneakmeas1)  🌐TikTok (https://www.tiktok.com/@user0888873666)

 (https://play.google.com/store/apps/details?id=kh.gov.moi.app)🌐 Telegram (https://t.me/raksmeyneakmeas)   🌐 WhatApp (https://chat.whatsapp.com/G46l8WDkd993lnr9jlpRwk)

👉(សូមអានបន្ត)

សម្តេចបវរធិបតី ហ៊ុន ម៉ាណែត អរគុណអាជ្ញាធរដែនដីគ្រប់លំដាប់ថ្នាក់ កងកម្លាំងគ្រប់ប្រភេទ និងកម្លាំងស្ម័គ្រចិត្ត ដែលបានរៀបចំសណ្ដាប់ធ្នាប់ និងថែរក្សាសុខសុវត្ថិភាព ជូនប្រជាពលរដ្ឋក្នុងឱកាសបុណ្យកាន់បិណ្ឌ និងភ្ជុំបិណ្ឌ

(ភ្នំពេញ)៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី២៤ ខែកញ្ញា ឆ្នាំ២០២៥នេះ ក្រោមបញ្ចប់ពិធីបុណ្យកាន់បិណ្ឌ និងភ្ជុំបិណ្ឌរួចបានផ្ញើសារថ្លែងអំណរគុណ ដល់អាជ្ញាធរដែនដីគ្រប់លំដាប់ថ្នាក់ កងកម្លាំងគ្រប់ប្រភេទ និងកម្លាំងស្ម័គ្រចិត្ត ដែលបានរៀបចំសណ្ដាប់ធ្នាប់ និងថែរក្សាសុខសុវត្ថិភាព ជូនប្រជាពលរដ្ឋក្នុងឱកាសបុណ្យកាន់បិណ្ឌ និងភ្ជុំបិណ្ឌ។

តាមរយៈបណ្តាញទំនាក់ទំនងសង្គមផ្លូវការ សម្តេចបវរធិបតីនាយករដ្ឋមន្ត្រី បានផ្ញើសារអរគុណមានខ្លឹមសារទាំងស្រុងដូច្នេះថា៖ «សូមអរគុណចំពោះ មន្រ្តីរាជការ អាជ្ញាធរដែនដីគ្រប់លំដាប់ថ្នាក់ កងកម្លាំងគ្រប់ប្រភេទ និងកម្លាំងស្ម័គ្រចិត្តគ្រប់ស្ថាប័ន-អង្គភាពពាក់ព័ន្ធ ព្រមទាំងលោកតាលោកយាយ អ៊ំពូមីង បងប្អូនទូទាំងប្រទេស ដែលបានចូលរួមប្រារព្ធពិធីបុណ្យកាន់បិណ្ឌ ភ្ជុំបិណ្ឌ ឱ្យប្រព្រឹត្តទៅប្រកបដោយភាពអធិកអធម សប្បាយរីករាយ សុខសុវត្ថិភាព និងសណ្ដាប់ធ្នាប់សាធារណៈល្អប្រសើរ ព្រមទាំងជាការលើកតម្កើង និងថែរក្សាវប្បធម៌ ប្រពៃណី ទំនៀមទម្លាប់ជាតិខ្មែរយើងឱ្យបានឋិតថេរគង់វង្សតរៀងទៅ ( ថ្ងៃទី ៨ កញ្ញា ~ ២៣​ កញ្ញា ២០២៥)»។

សូមជម្រាបថា បុណ្យភ្ជុំបិណ្ឌ ជាពិធីបុណ្យមួយដែលធំជាងគេ នៅក្នុងចំណោមពិធីបុណ្យទាំងអស់ ចំពោះអ្នកកាន់ព្រះពុទ្ធសាសនា។ ជារៀងរាល់ឆ្នាំនៅពេលដល់ថ្ងៃខែ ដែលត្រូវប្រារព្ធ ពិធីបុណ្យភ្ជុំបិណ្ឌ គ្រប់បងប្អូនកូនចៅ សាច់ញាតិសន្ដានទាំងអស់ ទោះនៅទីជិត ឬទីឆ្ងាយ តែងតែធ្វើដំណើរទៅជួបជុំគ្នា ជាពិសេសឪពុកម្ដាយនៅស្រុកកណើត ដើម្បីរៀបចំម្ហូបអាហារ បាយសម្ល ចង្ហាន់យកទៅប្រគេនព្រះសង្ឃ ដែលគង់នៅវត្តអារាម។ ទាំងនេះ គឺជាទម្លាប់មួយដែលគេនិយមធ្វើតៗគ្នា របស់ជនជាតិខ្មែរជាយូរមកហើយ។ ពិធីបុណ្យកាន់បិណ្ឌ និងភ្ជុំបិណ្ឌឆ្នាំ២០២៥នេះ ប្រព្រឹត្តទៅចាប់ពីថ្ងៃ១រោច ដល់ថ្ងៃ ១៥រោច ខែភទ្របទ ត្រូវនឹងថ្ងៃទី៨ ដល់ថ្ងៃទី២៣ ខែកញ្ញា ឆ្នាំ២០២៥៕

👉(សូមអានបន្ត)

ឧបនាយករដ្ឋមន្ត្រី អូន ព័ន្ធមុនីរ័ត្ន ផ្តល់នូវអនុសាសន៍៩ចំណុច ដល់ភាគីពាក់ព័ន្ធក្នុងវិស័យស្រូវ-អង្ករ ជំរុញឱ្យវិស័យស្រូវអង្ករនៅកម្ពុជា កាន់តែរីកចម្រើ

(ភ្នំពេញ)៖ បណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី​ រដ្ឋមន្ត្រី ក្រសួងសេដ្ឋកិច្ច និងហិរញ្ញវត្ថុ បានផ្តល់នូវអនុសាសន៍ ៩ចំណុច ដល់ភាគីពាក់ព័ន្ធក្នុងវិស័យស្រូវ-អង្ករ ទាំងស្ថាប័នរដ្ឋ និងឯកជន ដើម្បីជំរុញឱ្យវិស័យស្រូវអង្ករនៅកម្ពុជា កាន់តែរីកចម្រើន និងមានទីផ្សារនាំចេញកាន់តែទូលំទូលាយជាងមុន។

👉(សូមអានបន្ត)

ក្រសួងអប់រំ៖ ការប្រឡងបាក់ឌុប ២០២៥ មានបេក្ខជនប្រឡង សរុបជាង១៤ម៉ឺននាក់

 ក្រសួងអប់រំ៖ ការប្រឡងបាក់ឌុប ២០២៥ មានបេក្ខជនប្រឡង សរុបជាង១៤ម៉ឺននាក់

(ភ្នំពេញ)៖ ក្រសួងអប់រំ យុវជន និងកីឡា បានចេញសេចក្តីប្រកាសព័ត៌មាន ស្ដីពីការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង៖ ២៨ សីហា ២០២៥។ នេះបើតាមសេចក្ដីប្រកាសព័ត៌មាន ដែល​បណ្ដាញព័ត៌មាន ទទួលបាននៅថ្ងៃទី២២ ខែសីហា ឆ្នាំ២០២៥។

👉(សូមអានបន្ត)

រាជបណ្ឌិត្យសភាកម្ពុជា ចុះអនុស្សរណៈយោគយល់គ្នាជាមួយក្រុមហ៊ុនចំនួន២ និងសណ្ឋាគារ ចំនួន២ ដើម្បីធានាឱ្យបាននូវនិរន្តរភាព និងប្រសិទ្ធភាពលើការបណ្តុះបណ្តាល ធនធានមនុស្ស និងការផ្តល់ឱកាសការងារ

 រាជបណ្ឌិត្យសភាកម្ពុជា ចុះអនុស្សរណៈយោគយល់គ្នាជាមួយក្រុមហ៊ុនចំនួន២ និងសណ្ឋាគារ ចំនួន២ ដើម្បីធានាឱ្យបាននូវនិរន្តរភាព និងប្រសិទ្ធភាពលើការបណ្តុះបណ្តាល ធនធានមនុស្ស និងការផ្តល់ឱកាសការងារ

(ភ្នំពេញ)៖ លោកបណ្ឌិតសភាចា្យ សុខ ទូច ប្រធានរាជបណ្ឌិត្យសភាកម្ពុជា បានចុះអនុស្សរណៈយោគយល់គ្នារវាងរាជបណ្ឌិត្យសភាកម្ពុជា សណ្ឋាគាររ៉ូសវូដ (ROSE WOOD HOTEL) សណ្ឋាគាររ៉េស៊ីដង់ សុខា ភ្នំពេញ (SOKHA Phnom Penh Hotel & Residence) ក្រុមហ៊ុនប៊ូលូមប៊ូលូម (BOOLOOM BOOLOOM) និងក្រុមហ៊ុនមេមត់កាហ្វេ (MEMOT COFFEE FARM) ដើម្បីធានាឱ្យបាននូវនិរន្តរភាព និងប្រសិទ្ធភាពលើការបណ្តុះបណ្តាល ធនធានមនុស្ស និងការផ្តល់ឱកាសការងារ។ ពិធីចុះអនុស្សរណៈយោគយល់គ្នានេះបានធ្វើឡើងនៅរសៀលថ្ងៃទី២២ ខែសីហា ឆ្នាំ២០២៥ នៅរាជបណ្ឌិត្យសភាកម្ពុជា។

👉(សូមអានបន្ត)

ប្រមុខការទូតកម្ពុជា ប្រាប់បណ្តាអង្គទូត និងអង្គការអន្តរជាតិថា «សន្តិភាពមិនអាចស្តារឡើងវិញបានទេ ​បើសិនជាសហគមន៍ប្រជាជននៅតែស្ថិតនៅក្នុងអន្ទាក់នៃការភ័យខ្លាច ​និងភៀសខ្លួនចោលផ្ទះសម្បែង»

 ប្រមុខការទូតកម្ពុជា ប្រាប់បណ្តាអង្គទូត និងអង្គការអន្តរជាតិថា «សន្តិភាពមិនអាចស្តារឡើងវិញបានទេ ​បើសិនជាសហគមន៍ប្រជាជននៅតែស្ថិតនៅក្នុងអន្ទាក់នៃការភ័យខ្លាច ​និងភៀសខ្លួនចោលផ្ទះសម្បែង»

(ភ្នំពេញ)៖ ប្រមុខការទូតកម្ពុជា លោកឧបនាយករដ្ឋមន្រ្តី ប្រាក់ សុខុន បានបញ្ជាក់ប្រាប់បណ្តាអង្គទូត និងអង្គការអន្តរជាតិនានានៅកម្ពុជាថា យោធាថៃ នៅតែបន្តរំលោភបំពាន ដោយមានសកម្មភាពរុលទន្ទ្រាន តាមរយៈការរាយបន្លាលួស ការធ្វើលេណដ្ឋាន និងការឈូសឆាយ នៅតំបន់ជម្លោះ ដែលសកម្មភាពទាំងនោះ បានធ្វើឱ្យប៉ះពាល់ដល់ការជឿទុកចិត្តគ្នា និងធ្វើឱ្យបទឈប់បាញ់មានការផុយស្រួយ។

ជាមួយគ្នានេះ រដ្ឋមន្រ្តីក្រសួងការបរទេសកម្ពុជា បានសន្និដ្ឋានថា សន្តិភាពមិនអាចស្តារឡើងវិញបានទេ ​បើសិនជាសហគមន៍ប្រជាជននៅតែស្ថិតនៅក្នុងអន្ទាក់នៃការភ័យខ្លាច ​និងភៀសខ្លួនចោលផ្ទះសម្បែង។

ប្រមុខការទូកម្ពុជាបែបនេះនៅរសៀលថ្ងៃទី២១ ខែសីហា ឆ្នាំ២០២៥ ក្នុងឱកាសដែលលោកធ្វើបទបង្ហាញអំពីការវិវត្ត នៃសភាពការណ៍ព្រំដែនកម្ពុជា-ថៃ រួមទាំងបញ្ហាមីន ជូនបណ្តាអង្គទូតបរទេស និងតំណាងទីភ្នាក់ងារអង្គការសហប្រជាជាតិ ប្រចាំកម្ពុជា នៅទីស្ដីការក្រសួងការបរទេស។ កិច្ចប្រជុំនេះ មានការចូលរួមពីតំណាង៤២ស្ថានទូតប្រចាំនៅកម្ពុជា និងស្ថានទូតនៅក្រៅប្រទេសដែលទទួលបន្ទុកលើកិច្ចព្រំដែនកម្ពុជា-ថៃ និងអង្គការអន្តរជាតិចំនួន២០ ក្នុងនោះក៏មានតំណាងស្ថានទូតថៃផងដែរ។

ក្នុងសន្និសីទប្រចាំថ្ងៃ នាព្រឹកថ្ងៃទី២២ ខែសីហា ឆ្នាំ២០២៥ លោក នង សាកល អ្នកនាំពាក្យក្រសួងការបរទេស បាន​បង្ហាញលទ្ធផលសំខាន់ៗ នៃជំនួបរបស់ប្រមុខការទូតកម្ពុជា ជាមួយបណ្តាអង្គទូតបរទេស និងតំណាងទីភ្នាក់ងារអង្គការសហប្រជាជាតិប្រចាំកម្ពុជា ដោយលោកបានបញ្ជាក់ថា ក្នុងជំនួបនោះ លោកឧបនាយករដ្ឋមន្រ្តី ប្រាក់ សុខុន បានបង្ហាញអំពីជំហររបស់កម្ពុជា ដោយលោកបានគូសបញ្ជាក់ថា កម្ពុជាជាប្រទេសដែលធ្លាប់បំផ្លិចបំផ្លាញដោយសារសង្គ្រាម កម្ពុជាចង់បានសន្តិភាព ហើយសន្តិភាព ត្រូវបានដោះស្រាយដោយការសន្ទនា មិនមែនដោយសារអាវុធនោះទេ ព្រោះសង្គ្រាម បានបំផ្លាញអាយុជីវិតមនុស្ស។កម្ពុជាបានចាប់ផ្តើមធ្វើការយ៉ាងសស្រាក់សស្រាំ ចាប់តាំងពីថ្ងៃដែលវិបត្តិបានកើតឡើង ដើម្បីកាត់បន្ថយភាពតានតឹង និងស្តារមកវិញនូវភាពស្ងប់ស្ងាត់។ កម្ពុជាបានតម្កល់បទឈប់បាញ់ទាំងភាសារ និងកាយវិការ។

«ឯកឧត្តមឧបនាយករដ្ឋមន្រ្តី លោកបានគូសបញ្ជាក់ថា តាមការសង្កេត មានការរំលោភបំពានខ្លះៗរួមទាំងសកម្មភាពរុលទន្ទ្រាន តាមរយៈការរាយបន្លាលួស ការបំផ្លិចបំផ្លាញហេដ្ឋារចនាសម្ព័ន្ធជនស៊ីវិល រួមទាំងមានៅក្រៅក្របខណ្ឌតំបន់ជម្លោះទៀតផង ដែលមាននៅខេត្តព្រះវិហារ ឧត្តរមានជ័យ ពោធិ៍សាត់ និងបន្ទាយមានជ័យ ហើយក៏មានបន្តសកម្មភាពដូចជាការកសាងផ្លូវថ្នល់ថ្មី​ ជីកលេណដ្ឋាននិងជម្រកនៅតំបន់ជម្លោះ រួមទាំងបន្តឃុំខ្លួន​​ទាហានកម្ពុជា១៨នាក់ដល់សព្វថ្ងៃ ដែលសកម្មភាពទាំងនោះធ្វើឱ្យប៉ះពាល់ដល់ការជឿទុកចិត្តគ្នា និងធ្វើឱ្យបទឈប់បាញ់មានការផុយស្រួយ»។ នេះបើតាមការបញ្ជាក់របស់ក្រសួងការបរទេស។

កម្ពុជាបានយកចិត្តទុកដាក់ចំពោះខដែលបានឯកភាពគ្នា ១៣ចំណុច និងស្មារតី MoU ឆ្នាំ២០០០ ហើយកម្ពុជាសង្ឃឹមថា ភាគីម្ខាងទៀតនឹងឆ្លើយតបដូចដែលកម្ពុជាបានធ្វើ​។​ ដោយមូលហេតុផុយស្រួយ នៃបទឈប់បាញ់គ្នានេះហើយ ទើបកម្ពុជាផ្តល់សារសំខាន់បំផុត ដល់ការព្រមព្រៀងបង្កើត ក្រុមអ្នកសង្កេតការណ៍អាស៊ាន (AOT) និងក្រុមអ្នកសង្កេតការណ៍បណ្តោះអាសន្ន (IOT) ក្នុងកិច្ចប្រជុំពិសេស គណៈកម្មាធិការ​រួមព្រំដែន GBC កាលពីថ្ងៃទី០៧ ខែសីហា ឆ្នាំ២០២៥។

អ្នកនាំពាក្យក្រសួងការបរទេស បានបញ្ជាក់ទៀតថា «ឯកឧត្តមឧបនាយករដ្ឋមន្រ្តី រដ្ឋមន្រ្តីក្រសួងការបរទេសកម្ពុជា លោកបានគូសបញ្ជាក់ថា ​សន្តិភាពមិនអាចស្តារឡើងវិញបានទេ ​បើសិនជាសហគមន៍ប្រជាជននៅតែស្ថិតនៅក្នុងអន្ទាក់នៃការភ័យខ្លាច ​និងភៀសខ្លួនចោលផ្ទះសម្បែង»។

លោកបានបន្តថា ហេតុដូច្នេះហើយ ទាំងក្នុងទំនាក់ទំនងទ្វេភាគីក្តី ​និងក្នុងកិច្ចប្រជុំ RBC ក្តី កម្ពុជាបានស្នើដាក់ចេញនូវវិធានការជាក់ស្តែង​ សំដៅធ្វើឱ្យទំនាក់ទំនងវិលទៅកាន់ប្រក្រតីភាពឡើងវិញ។ ទាំងនេះកប្បីចាប់ផ្តើមពីការពិភាក្សាស្តីពីការបើកច្រកព្រំដែនឡើងវិញ​ សម្រូលដល់ការចេញចូលឆ្លងព្រំដែនដល់ប្រជាពលរដ្ឋទាំងពីរ​ និងផ្លាស់ប្តូរទំនិញ រួមទាំងកិច្ចសហការដោះមីនតាមបែបមនុស្សធម៌៕

👉(សូមអានបន្ត)

រសៀលថ្ងៃនេះ ឧបនាយករដ្ឋមន្ត្រី ហង់ជួន ណារ៉ុន នឹងធ្វើសន្និសីទសារព័ត៌មាន ស្តីពី ដំណើរការរៀបចំការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៥

 រសៀលថ្ងៃនេះ ឧបនាយករដ្ឋមន្ត្រី ហង់ជួន ណារ៉ុន នឹងធ្វើសន្និសីទសារព័ត៌មាន ស្តីពី ដំណើរការរៀបចំការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៥

(ភ្នំពេញ)៖ ក្រសួងអប់រំ យុវជន និងកីឡា នឹងធ្វើសន្និសីទសារព័ត៌មានស្តីពី ដំណើរការរៀបចំការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី២៨ ខែសីហា ឆ្នាំ២០២៥ នៅម៉ោង២៖៣០នាទីរសៀលថ្ងៃទី២២ ខែសីហា ឆ្នាំ២០២៥នេះ នៅអគារទីស្តីការក្រសួងអប់រំ យុវជន និងកីឡា។

សន្និសីទសារព័ត៌មាននេះ មានការចូលរួមបកស្រាយដោយផ្ទាល់ពីបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា។

សន្និសីទសារព័ត៌មាន ស្តីពី «ដំណើរការរៀបចំការប្រឡងសញ្ញាបត្រមធ្យម សិក្សាទុតិយភូមិ សម័យប្រឡង៖ ២៨ សីហា ២០២៥» នេះធ្វើឡើង ដើម្បីផ្តល់ព័ត៌មានពិស្តារ អំពីដំណើរការប្រឡងសញ្ញា បត្រមធ្យមសិក្សាទុតិយភូមិនាពេលខាងមុខ៕

👉(សូមអានបន្ត)

រដ្ឋមន្ត្រីក្រសួងការងារ បង្ហាញសកម្មភាពដ៏មមាញឹកនៃបន្ទប់ផ្តល់ព័ត៌មាន២៤ម៉ោង និងក្រុម Hotline ១២៩៧ ដែលជាអ្នកផ្តលការងាររាប់ម៉ឺនកន្លែងដល់សហជីព និយោជក និងអ្នកសារព័ត៌មាន

(ភ្នំពេញ)៖ បន្ទាប់ពីចប់កិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាអាណត្តិទី៤ (២០២៥-២០២៦) លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមប្រឹក្សាជាតិប្រាក់ឈ្នួលអប្បបរមា នាល្ងាចថ្ងៃទី២០ ខែសីហា ឆ្នាំ២០២៥ បានអញ្ជើញតំណាងអង្គការវិជ្ជាជីវៈរបស់និយោជក តំណាងអង្គការវិជ្ជាជីវៈរបស់កម្មករនិយោជិត និងអ្នកសារព័ត៌មានទៅទស្សនាបន្ទប់ផ្តល់ព័ត៌មាន២៤ម៉ោង តាមរយៈលេខទូរសព្ទ Hotline 1297 ដែលបម្រើដល់ការស្វែងរកការងារធ្វើរបស់បងប្អូនប្រជាពលរដ្ឋ ជាពិសេសពលករខ្មែរទើបមកពីប្រទេសថៃ។

👉(សូមអានបន្ត)

ឯកឧត្ដមអភិសន្តិបណ្ឌិត ស សុខា អំពាវនាវពលរដ្ឋគ្រប់សាសនានៅកម្ពុជាបន្តរួមគ្នាគាំទ្រវីរភាពយុទ្ធជនជួរមុខ!

 ឯកឧត្ដមអភិសន្តិបណ្ឌិត ស សុខា អំពាវនាវពលរដ្ឋគ្រប់សាសនានៅកម្ពុជាបន្តរួមគ្នាគាំទ្រវីរភាពយុទ្ធជនជួរមុខ!

ឯកឧត្ដអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអំពាវនាវប្រជាពលរដ្ឋគ្រប់សាសនានៅក្នុងប្រទេសកម្ពុជា បន្តរួមគ្នាជាធ្លុងមួយគាំទ្រ និងលើកទឹកចិត្តដល់វីរភាពដ៏អង់អាចរបស់យុទ្ធជនជួរមុខរបស់ជាតិ ទាំងកម្លាំងកងយោធពលខេមរភូមិន្ទ និងនគរបាលការពារព្រំដែន ដែលបាននិងកំពុងឈរជើងការពារបូរណភាពទឹកដី ក្រោមបទបញ្ជាដ៏អង់អាចម៉ឺងម៉ាត់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

ការអំពាវនាវរបស់ឯកឧត្តមអភិសន្តិបណ្ឌិត បានធ្វើឡើង ក្នុងឱកាសអញ្ជើញជាតំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងទិវាជាតិអន្តរសាសនាប្រឆាំងការជួញដូរមនុស្ស២០ សីហា ២០២៥ ក្រោមប្រធានបទ «សុខដុមនីយកម្មសាសនានៅកម្ពុជា ជាសក្ដានុពលក្នុងការប្រឆាំងអំពើជួញដូរមនុស្សគ្រប់ទម្រង់នាសម័យបច្ចេកវិទ្យា» ដោយមានការអញ្ជើញចូលរួមពីលោកជំទាវ កែ សួនសុភី ស សុខា នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ នារសៀលថ្ងៃទី២០ ខែសីហា ឆ្នាំ២០២៥។

បើតាមឯកឧត្តមអភិសន្តិបណ្ឌិត យុទ្ធជនជួរមុខរបស់ជាតិ បាននិងកំពុងឈរជើងយ៉ាងអង់អាចក្លាហាន ការពារបូរណភាពទឹកដី និងអធិបតេយ្យភាពជាតិ ពោលគឺប្រៀបបានជាខែលដ៏រឹងមាំរបស់ជាតិ រួមទាំងការពារសុខសន្តិភាព ដែលជាមូលដ្ឋានគ្រឹះដ៏សំខាន់ សម្រាប់ការឈានទៅសម្រេចបានវឌ្ឍនភាពកិច្ចការផ្សេងៗទៀតគ្រប់វិស័យ រួមទាំងការងារប្រយុទ្ធប្រឆាំងនឹងអំពើជួញដូរមនុស្ស ដែលគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស បាននិងកំពុងរៀបចំពិធីនាឱកាសនេះ។

បន្ថែមលើការអំពាវនាវជនរួមជាតិបន្តប្រកៀកស្មាគាំទ្រយុទ្ធជនជួរមុខ និងរាជរដ្ឋាភិបាល ប្រមុខក្រសួងមហាផ្ទៃ បានយកឱកាសនោះមានប្រសាសន៍បន្ថែមថា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា រាជរដ្ឋាភិបាល នីតិកាលទី៧នេះ បាននិងកំពុងបន្តវេនដឹកនាំប្រទេសជាតិយ៉ាងស្វាហាប់ ឆ្ពោះទៅកាន់ចក្ខុវិស័យកម្ពុជា ឆ្នាំ២០៥០ តាមយុទ្ធសាស្ត្របញ្ចកោណ ដំណាក់កាលទី១ និងបានបន្តប្តេជ្ញាចិត្ត ប្រយុទ្ធប្រឆាំងដាច់ខាតនូវអំពើជួញដូរមនុស្សគ្រប់ទម្រង់ និងបទល្មើសឧក្រិដ្ឋដទៃទៀត ដែលជាឧបសគ្គរារាំងដល់ដំណើរការអភិវឌ្ឍន៍ជាតិគ្រប់វិស័យ។

ឯកឧត្តមអភិសន្ដិបណ្ឌិត បានកោតសរសើរ និងវាយតម្លៃខ្ពស់ប្រកបដោយមោទនភាព យ៉ាងក្រៃលែង ចំពោះភាពសុខដុមរមនា នៃគ្រប់ជំនឿសាសនាទាំងអស់នៅកម្ពុជា ដែលតែងតែរួមរស់ជាមួយគ្នាដោយសុខសាន្ត និងមានសាមគ្គីភាព សហការល្អគាំទ្រគ្នាទៅវិញទៅមកដោយភាពទន់ភ្លន់ ពោលគឺបានរួមគ្នាជាធ្លុងមួយ ក្នុងការរួមចំណែកជួយដល់រាជរដ្ឋាភិបាលដើម្បីអភិវឌ្ឍសង្គមជាតិឱ្យកាន់តែរីកចម្រើន។

ជាមួយគ្នានោះប្រមុខក្រសួងមហាផ្ទៃបានគូសបញ្ជាក់ថា ការជួបជុំនារសៀលនេះ គឺជាការបង្ហាញអំពីស្មារតី សាមគ្គីភាព ឯកភាព និងសុខដុមនីយកម្ម នៃគ្រប់ជំនឿសាសនា នៅក្នុងព្រះរាជាណាចក្រ កម្ពុជា ដែលជាមូលដ្ឋានគ្រឹះ នៃសុខសន្តិភាពរបស់សង្គមជាតិ ធ្វើឱ្យមនុស្សទាំងឡាយទទួលបាននូវសេចក្តីសុខ ផ្លូវកាយ ផ្លូវចិត្ត ចាកទុក្ខភ័យ គ្រោះចង្រៃ និងវិនាសកម្មទាំងឡាយ ដែលបង្កឡើងដោយមនុស្សក្តី ឬដោយធម្មជាតិក្តី។

យោងតាមរបាយការណ៍ លោកជំទាវ ជូ ប៊ុនអេង អនុប្រធានអចិន្ត្រៃយ៍នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ក្នុងឆមាសទី១នេះ នាយកដ្ឋានប្រឆាំងការជួញដូរមនុស្ស និងការពារអនីតិជន នៃអគ្គស្នងការដ្ឋាននគរបាលជាតិក្រសួងមហាផ្ទៃ ស្នងការដ្ឋាននគរបាលរាជធានី-ខេត្ត និងកងរាជអាវុធហត្ថលើផ្ទៃប្រទេស បានតាមដានស្រាវជ្រាវ បង្រ្កាបអំពើជួញដូរមនុស្ស និងអំពើធ្វើអាជីវកម្មផ្លូវភេទ សរុបចំនួន ៩៩ករណី ប្រៀបធៀបនឹងរយៈពេលដូចគ្នា ក្នុងឆ្នាំ២០២៤ គឺថយចុះ ០៥ករណី ស្មើនឹង ៤.៨០%។

លោកជំទាវបានបន្ថែមថា ក្នុងនោះ អំពើជួញដូរមនុស្សបង្រ្កាបបាន ២៧ករណី (កើន៥ករណី) ឃាត់ខ្លួនជនសង្ស័យ ៣៧នាក់ (ស្រី៤នាក់) និងអំពើធ្វើអាជីវកម្មផ្លូវភេទ បង្ក្រាបបាន ៧២ករណី (ថយចុះ ១០ករណី) ឃាត់ខ្លួនជនសង្ស័យ ៩៣នាក់(ស្រី ១៩នាក់) ជនជាតិវៀតណាម១នាក់ និងជនជាតិចិនចំនួន ០៦នាក់៕

👉(សូមអានបន្ត)

រដ្ឋមន្ត្រីក្រសួងការងារ បង្ហាញសកម្មភាពដ៏មមាញឹកនៃបន្ទប់ផ្តល់ព័ត៌មាន២៤ម៉ោង និងក្រុម Hotline ១២៩៧ ដែលជាអ្នកផ្តលការងាររាប់ម៉ឺនកន្លែងដល់សហជីព និយោជក និងអ្នកសារព័ត៌មាន

 រដ្ឋមន្ត្រីក្រសួងការងារ បង្ហាញសកម្មភាពដ៏មមាញឹកនៃបន្ទប់ផ្តល់ព័ត៌មាន២៤ម៉ោង និងក្រុម Hotline ១២៩៧ ដែលជាអ្នកផ្តលការងាររាប់ម៉ឺនកន្លែងដល់សហជីព និយោជក និងអ្នកសារព័ត៌មាន

(ភ្នំពេញ)៖ បន្ទាប់ពីចប់កិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាអាណត្តិទី៤ (២០២៥-២០២៦) លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមប្រឹក្សាជាតិប្រាក់ឈ្នួលអប្បបរមា នាល្ងាចថ្ងៃទី២០ ខែសីហា ឆ្នាំ២០២៥ បានអញ្ជើញតំណាងអង្គការវិជ្ជាជីវៈរបស់និយោជក តំណាងអង្គការវិជ្ជាជីវៈរបស់កម្មករនិយោជិត និងអ្នកសារព័ត៌មានទៅទស្សនាបន្ទប់ផ្តល់ព័ត៌មាន២៤ម៉ោង តាមរយៈលេខទូរសព្ទ Hotline 1297 ដែលបម្រើដល់ការស្វែងរកការងារធ្វើរបស់បងប្អូនប្រជាពលរដ្ឋ ជាពិសេសពលករខ្មែរទើបមកពីប្រទេសថៃ។

👉(សូមអានបន្ត)

នៅព្រឹកថ្ងៃទី២០ ខែសីហានេះ ក្រុមអ្នកសង្កេតការណ៍អន្តរកាល (IOT) មានតំណាងមកពីប្រទេសចំនួន៥ ធ្វើដំណើរឆ្ពោះទៅខេត្តព្រះវិហារ ដើម្បីសង្កេតការណ៍ផ្ទៀតផ្ទាត់សភាពការណ៍ក្រោយបទឈប់បាញ់ចូលជាធរមាន

 នៅព្រឹកថ្ងៃទី២០ ខែសីហានេះ ក្រុមអ្នកសង្កេតការណ៍អន្តរកាល (IOT) មានតំណាងមកពីប្រទេសចំនួន៥ ធ្វើដំណើរឆ្ពោះទៅខេត្តព្រះវិហារ ដើម្បីសង្កេតការណ៍ផ្ទៀតផ្ទាត់សភាពការណ៍ក្រោយបទឈប់បាញ់ចូលជាធរមាន

(ភ្នំពេញ)៖ លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានឱ្យដឹងថា នៅវេលាព្រឹកថ្ងៃទី២០ ខែសីហា ឆ្នាំ២០២៥នេះ ក្រសួងការពារជាតិ បានសម្របសម្រួលជូនក្រុមអ្នកសង្កេតការណ៍អន្តរកាល (IOT) ដែលមានតំណាងមកពីប្រទេសចំនួន៥ ដឹកនាំដោយលោកវរសេនីយ៍ឯក NAZLEE BIN ABDUL RAHIM អនុព័ន្ធយោធាម៉ាឡេស៊ី ប្រចាំកម្ពុជា បានចេញដំណើរពីក្រសួងការពារជាតិកម្ពុជា ឆ្ពោះទៅខេត្តព្រះវិហារ ដើម្បីសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពក្រោយបទឈប់បាញ់។

គួររំលឹកផងដែរថា បេសកកម្មនេះបានកើតចេញពីលទ្ធផលនៃកិច្ចប្រជុំពិសេសដែលបានធ្វើឡើងនៅថ្ងៃទី២៨ ខែកក្កដា ឆ្នាំ២០២៥ នៅប្រទេសម៉ាឡេស៊ី និងកិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា-ថៃ (GBC) ដែលបញ្ជាក់សារជាថ្មីពីសារៈសំខាន់នៃការបង្កើតអ្នកសង្កេតការណ៍អន្តរកាលនេះ។

កម្ពុជាគូសបញ្ជាក់យ៉ាងម៉ឺងម៉ាត់ និងច្បាស់លាស់បំផុតនូវការប្តេជ្ញាចិត្តឥតងាករេរបស់ខ្លួនក្នុងការគោរពអនុវត្តន៍យ៉ាងខ្ជាប់ខ្ជួននិងពេញលេញនៃបទឈប់បាញ់ដែលសម្រេចបានកាលពីថ្ងៃទី២៨ ខែកក្កដា ឆ្នាំ២០២៥ និងគោលការណ៍ឯកភាពទាំង១៣ ចំណុចនៅក្នុងកិច្ចប្រជុំវិសាមញ្ញនៃគណៈកម្មាធិការព្រំដែនទូទៅកម្ពុជា-ថៃ (GBC) កាលពីថ្ងៃទី៧ ខែសីហា ឆ្នាំ២០២៥ ដែលមានអ្នកសង្កេតការណ៍ដោយ ប្រទេសម៉ាឡេស៊ី សហរដ្ឋអាមេរិក និងសាធារណរដ្ឋប្រជាមានិតចិន។

ការឱ្យដឹងបែបនេះ របស់អ្នកនាំពាក្យក្រសួងការពារជាតិបានធ្វើឡើងក្នុងឱកាសបន្តសង្ខេបព័ត៌មានស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នាព្រឹកថ្ងៃទី២០ ខែសីហា ឆ្នាំ២០២៥នេះ។

អ្នកនាំពាក្យក្រសួងការពារជាតិ បានឱ្យដឹងយ៉ាងដូច្នេះថា៖ «នៅវេលាព្រឹកថ្ងៃទី២០ ខែសីហា ឆ្នាំ២០២៥នេះ ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) ដែលមានតំណាងមកពីប្រទេសចំនួន៥ ដឹកនាំដោយលោកវរសេនីយ៍ឯក NAZLEE BIN ABDUL RAHIM អនុព័ន្ធយោធាម៉ាឡេស៊ី ប្រចាំកម្ពុជា បានចេញដំណើរពីក្រសួងការពារជាតិកម្ពុជា ឆ្ពោះទៅខេត្តព្រះវិហារ ដើម្បីសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពក្រោយបទឈប់បាញ់»។

អ្នកនាំពាក្យក្រសួងការពារជាតិ បានបញ្ជាក់ថា កម្ពុជានៅបន្តទាមទារឱ្យភាគីថៃអនុវត្តកិច្ចព្រមព្រៀង ដោយប្រគល់ឱ្យកម្ពុជាវិញនូវកងកម្លាំងកម្ពុជា១៨រូប ដែលត្រូវយោធាថៃចាប់ខ្លួនដោយខុសច្បាប់ក្រោយបទឈប់បាញ់ ដែលរហូតដល់ពេលនេះមានរយៈពេល២១ថ្ងៃហើយ។ ក្រសួងការពារជាតិកម្ពុជា កងយោធពលខេមរភូមិន្ទ និងសហគមន៍អន្តរជាតិ បន្តទាមទាររហូតដល់ភាគីថៃ អនុវត្តច្បាប់អន្តរជាតិ ប្រគល់ពួកគាត់មកកម្ពុជាវិញ។

អ្នកនាំពាក្យក្រសួងការពារជាតិ បានលើកឡើងថា រាជរដ្ឋាភិបាល កងទ័ព និងប្រជាជន បានរួមគ្នាជាធ្លុងមួយ ក្នុងការការពារទឹកដី សេចក្តីថ្លៃថ្នូរ​ និងអធិបតេយ្យភាពរបស់ខ្លួនយ៉ាងម៉ឺងម៉ាត់ច្បាស់លាសជាទីបំផុត។ ការអនុវត្តបទឈប់បាញ់ឱ្យបានពេញលេញរវាងភាគីទាំងសងខាង នឹងធ្វើឱ្យបរិយាកាសមានភាពអំណោយផល នាំមកវិញនូវសន្តិភាព ​ស្ថិរភាព ប្រក្រតីភាពនៃទំនាក់ទំនងរវាងប្រទេសទាំងពីរ។

បន្ថែមពីនេះ អ្នកនាំពាក្យក្រសួងការពារជាតិ បានបន្តថា ការប្តេជ្ញាចិត្តរបស់កម្ពុជា ក្នុងការធ្វើការប្រកបដោយស្ថាបនា ដោយស្មោះត្រង់ និងសហការយ៉ាងជិតស្និទ្ធ ជាមួយប្រទេសថៃ ម៉ាឡេស៊ី បណ្តាប្រទេសសមាជិកអាស៊ានដទៃទៀត និងដៃគូពាក់ព័ន្ធទាំងអស់ ដូចជាអាមេរិក ចិន ដើម្បីធានា ការអនុវត្តបទឈប់បាញ់ប្រកបដោយប្រសិទ្ធភាព​និងពេញលេញ​ និងដោះស្រាយវិវាទដោយសន្តិវិធីស្របតាមច្បាប់អន្តរជាតិ ​ធម្មនុញ្ញអង្គការសហប្រជាជាតិ និងធម្មនុញ្ញអាស៊ាន។

អ្នកនាំពាក្យក្រសួងការពារជាតិ បានឱ្យដឹងថា ចាប់តាំងពីកិច្ចព្រមព្រៀងបទឈប់បាញ់ កាលពីរំលងអាធ្រាត្រថ្ងៃទី២៨ ខែកក្កដា ឆ្នាំ២០២៥ មក យើងសង្កេតឃើញថា មានការវិវឌ្ឍជាវិជ្ជមានជាបន្តបន្ទាប់ ជាមូយនឹងការពិភាក្សាទ្វេភាគីនៃប្រទេសទាំងពីរ ដូចជាកិច្ចប្រជុំ GBC និង RBC ជាដើម។ ដូច្នេះវាជាការចាំបាច់ ដែលភាគីទាំងពីរ ត្រូវតែកសាងលើការវិវត្ត​វិជ្ជមានទាំងនេះដើម្បីលើកកម្ពស់សន្តិភាព និងស្ថិរភាព ជាពិសេស ការនាំមកវិញនូវប្រត្រតីភាពនៃទំនាក់ទំនងរបស់ប្រទេសទាំងពីរលើគ្រប់វិស័យ សម្រាប់ជាប្រយោជន៍នៃប្រជាជនប្រទេសទាំងពីរ៕

👉(សូមអានបន្ត)

សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខ និងនាំយកអំណោយមនុស្សធម៌ ផ្តល់ជូនដល់យុទ្ធជនដែលរងរបួស និងកំពុងសម្រាកព្យាបាលនៅតាមបណ្តាមន្ទីរពេទ្យនៅរាជធានីភ្នំពេញ

 សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខ និងនាំយកអំណោយមនុស្សធម៌ ផ្តល់ជូនដល់យុទ្ធជនដែលរងរបួស និងកំពុងសម្រាកព្យាបាលនៅតាមបណ្តាមន្ទីរពេទ្យនៅរាជធានីភ្នំពេញ

នៅរសៀលថ្ងៃទី១៩ ខែសីហា ឆ្នាំ២០២៥នេះ កាកបាទក្រហមកម្ពុជា ក្រោមម្លប់គង់ប្រថាប់ដ៏ឧត្តុង្គឧត្តមនៃ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និងមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានចាត់មន្ត្រី និងយុវជនកាកបាទក្រហមកម្ពុជា ចុះសួរសុខទុក្ខ និងនាំយកអំណោយជាថវិកា និងសម្ភារៈមួយចំនួន ផ្តល់ជូនដល់យុទ្ធជនដែលរងរបួសនិងកំពុងសម្រាកព្យាបាលនៅតាមបណ្តាមន្ទីរពេទ្យក្នុងរាជធានីភ្នំពេញ។

👉(សូមអានបន្ត)