មន្ទីរព័ត៌មានខេត្តកំពង់ចាម បន្តយុទ្ធនាការ «និយាយថាទេចំពោះព័ត៌មានក្លែងក្លាយ»

 

កំពង់ចាម៖មន្ទីរព័ត៌មានខេត្តកំពង់ចាម បន្តយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយដើម្បីសុវត្ថិភាពព័ត៌មាន» នៅវិទ្យាល័យ ហ៊ុន សែន ពាមជីកង ស្រុកកងមាស ដើម្បីពង្រឹងសុវត្ថិភាពព័ត៌មានក្នុងមូលដ្ឋាន។

ពិធីនេះត្រូវបានប្រារព្ធឡើងនាព្រឹកថ្ងៃទី១០ ខែកក្កដា ឆ្នាំ២០២៦ ក្រោមវត្តមាន លោកស្រី សម ផល្លា ប្រធានមន្ទីរព័ត៌មានខេត្តកំពង់ចាម និងលោក អឿន សុធាលី អភិបាលរងស្រុកកងមាស ព្រមទាំងមានការចូលរួមពីលោកនាយក លោកគ្រូ-អ្នកគ្រូ សិស្សានុសិស្សប្រមាណជាង ១៣០០នាក់។

លោកស្រី សម ផល្លា ប្រធានមន្ទីរព័ត៌មាន បានថ្លែងថា យុទ្ធនាការជំហានទី២នេះ ធ្វើឡើងក្នុងគោលបំណងលើកកម្ពស់ការយល់ដឹងជាសាធារណៈ អំពីគ្រោះថ្នាក់នៃព័ត៌មានក្លែងក្លាយ និងរបៀបការពារខ្លួនពីការបំភាន់នានាក្នុងយុគសម័យឌីជីថល ព្រមទាំងពង្រឹងសមត្ថភាពប្រជាពលរដ្ឋក្នុងការទទួល និងប្រើប្រាស់ព័ត៌មានដោយស្មារតីទទួលខុសត្រូវ។

លោកស្រីប្រធានមន្ទីរ បានគូសបញ្ជាក់ថា ការចេញដំណើរយុទ្ធនាការជំហានទី២នេះ គឺជាបានឆ្លុះបញ្ចាំងពីការប្តេជ្ញាចិត្តឥតងាករេ របស់រាជរដ្ឋាភិបាល និងក្រសួងព័ត៌មានក្នុងការពង្រឹងសន្តិសុខព័ត៌មាន និងកសាងភាពធន់ឌីជីថលជូនដល់ពលរដ្ឋគ្រប់រូប ជាពិសេសការការពារយុវវ័យកម្ពុជាឱ្យចៀសផុតពីមហន្តរាយនៃព័ត៌មានក្លែងក្លាយ។

នាឱកាសនោះដែរ លោកស្រី សម ផល្លា ក៏បានដាស់តឿនដល់សិស្សានុសិស្ស សូមចូលរួមទប់ស្កាត់ និងកុំចែកចាយព័ត៌មានដែលគ្មានប្រភពច្បាស់លាស់ឱ្យសោះ ។ ប្រសិនបើឃើញករណីមានការផ្សព្វផ្សាយនៅលើបណ្តាញសង្គមដែលគ្មានប្រភពច្បាស់លាស់ សូមផ្ទៀងផ្ទាត់ព័ត៌មាន ដែលមានប្រភពផ្លូវការជាមុនសិន៕

 

ប្រភព៖មន្ទីរព័ត៌មានខេត្តកំពង់ចាម

 

👉(សូមអានបន្ត)

តើលោក ណន សីហា អាចមានវាសនា រួចពីសំណាញ់ច្បាប់ដែរឬទេ ក្រោយពីសាលាតិចណូ ចេញមុខប្តឹង

 

ភ្នំពេញ៖រឿងលោក ណន សីហា ដែលកំពុងតែល្បី និងអ្នកខ្លះបានដាក់រហ័សនាមឱ្យថា ជាវិស្វករក្លែងក្លាយ ពូកែសម្តែង ដែលបានទិញនិងប្រើប្រាស់សញ្ញាបត្រក្លែងក្លាយ ត្រូវបានមហាជន ជាពិសេសអ្នកប្រើប្រាស់បណ្តាញសង្គម កំពុងយកមកវែកញែកធ្វើជាប្រធានបទក្តៅមួយ ក្នុងចំណោមរឿងផ្សេងៗដែលកើតមាននាពេលថ្មីៗ ដូចជា៖ រឿងលោកK01 និងកាកាសាឡនជាដើម។

 

ជាក់ស្តែងរឿងលោក ណន សីហា ដែលជាវិស្វករក្លែងក្លាយរូបនេះ បានយកលុយទៅទិញសញ្ញាបត្រវិស្វករ ដោយមិនបានរៀនសូត្រចេញពីសាលាពិតប្រាកដនោះ ត្រូវបានមហាជន អ្នកគាំទ្រ ជាពិសេសអតិថិជន ដែលបានធ្លាប់ជឿជាក់នាពេលកន្លងមកលើលោក ណន សីហា ត្រូវបាត់បង់និងអស់ទំនុកចិត្ត ក្រោយពីបែកធ្លាយនូវសញ្ញាបត្រក្លែងក្លាយ រួមទាំងលិខិតផ្លូវការរបស់ វិទ្យាស្ថានបច្ចេកវិទ្យាកម្ពុជា (សាលាតិចណូ) និងលិខិតរបស់គណៈវិស្វករកម្ពុជាជាបន្តបន្ទាប់ ។

 

អ្វីដែលគួរឱ្យចាប់អារម្មបំផុត គឺវិទ្យាស្ថានបច្ចេកវិទ្យាកម្ពុជា(សាលាតិចណូ) បានចេញសេចក្តីប្រកាសព័ត៌មាន មួយ កាលពីថ្ងៃទី៣០ ខែមិថុនា ឆ្នាំ២០២៦ ជុំវិញរឿងក្លែងបន្លំសញ្ញាបត្ររបស់វិទ្យាស្ថាន ប្រព្រឹត្តដោយបុគ្គលឈ្មោះ លោក ណន សីហា ដោយមានខ្លឹមសារថា៖(វិទ្យាស្ថានបានរៀបចំឯកសារភស្តុតាង និងដាក់ពាក្យបណ្តឹងទៅ អយ្យការអមសាលាដំបូងរាជធានីភ្នំពេញរួចរាល់ ដើម្បីស្នើសុំផ្តន្ទាទោស ជនល្មើសដែលបានប្រើប្រាស់ និងក្លែងបន្លំសញ្ញាបត្ររបស់វិទ្យាស្ថានតាមច្បាប់ជាធរមាន)។

 

កន្លងមក លោក ណន សីហា ក៏ធ្លាប់បានចេញវីដេអូរសុំទោសដែរ ហើយការចេញវីដេអូរសុំទោសនោះ ការគេសង្កេតឃើញថា ពិតជាបានផ្លែផ្ការបស់គាត់មែន តែទើបតែនាពេលថ្មីៗនេះ ផ្ទុះរឿង កាកាសាឡន និងរឿងលោក K01 បានទះកំភ្លៀងអនិតិជនពីបីកំភ្លៀងហើយ K01 ក៏បានចេញវីដេអូរសុំទោសដូច ណន សីហាដែរ តែមិនបានផលដូច     ណន សីហា នោះឡើយ ដោយសមត្ថកិច្ចអៈអាងថា ការប្រព្រឹត្តបទល្មើស មិនអាចសុំទោសរួចខ្លួនឡើយ។

 

យ៉ាងណាមិញ មហាជនទទួចស្នើសុំដល់ថ្នាក់ដឹកនាំ ជាពិសេសស្ថាប័នតុលាការ មេត្តាជួយចាត់វិធានការឱ្យបានតឹងរឹងចំពោះបុគ្គលដែលបានប្រព្រឹត្តល្មើសឱ្យបានស្មើភាពគ្នា ដើម្បីជាគម្រូល្អដល់ជនដ៏ទៃ និងដើម្បីលើកទឹកចិត្តដល់អ្នកដែលដែលគេខិតខំរៀនពិតប្រាកដ ចំណាយទាំងលុយកាក់ និងពេលពេលា ទំរាំបានចំណេះជំនាញនិងសញ្ញាបត្រ។

 

កាលពីព្រឹកថ្ងៃទី០១ ខែកក្កដា ឆ្នាំ២០២៦ អង្គភាពរស្មីនាគមាសយើង បានទាក់ទងទៅលោក ឌិន ស៊ីដែន ដែលជាមេធាវីតំណាងសាលាតិចណូ លោកបញ្ជាក់តាម Telagram ថា៖ ចំពោះរឿងលោក ណន សីហា ក្រោយពីបញ្ចប់ការប្រមូល ចងក្រង ពិនិត្យព័ត៌មាន និងភស្តុតាង ពាក់ព័ន្ធនិងការសិក្សាផ្លូវច្បាប់បឋម ខាងវិទ្យាស្ថាន បានដាក់ពាក្យបណ្តឹងជាផ្លូវការហើយកាលពីថ្ងៃទី៣០ ខែមិថុនា ឆ្នាំ២០២៦ ពាក់ព័ន្ធនិងសកម្មភាពពីរសំខាន់ៗ៖

                  ទី១/ ការក្លែងបន្លំសញ្ញាបត្រ

                 ទី២/ ការប្រើប្រាស់សញ្ញាបត្រក្លែង

ចំណែកការកំណត់បទល្មើស លោកមេធាវីបញ្ជាក់ថា ជាសមត្ថកិច្ចរបស់អយ្យការ និងតុលាការ ក្នុងការពិនិត្យនិងសម្រេចដោយផ្អែកលើ ភស្តុតាង អង្គហេតុ និងអង្គច្បាប់។

 

កាលពីព្រឹកថ្ងៃទី០១ ខែកក្កដា ឆ្នាំ២០២៦ អង្គភាពយើងបានព្យាយាមទាក់ទងទៅលោក ណន សីហា តាម Telegram ដែរតែអ្នកទទួលថា គាត់លែងប្រើលេខនេះហើយ ហើយក៏លុបសារសន្ទនាចោលទាំងអស់ លុះល្ងាចខែឆ្នាំដដែលទាក់ទងទៅម្តងទៀត អ្នកទទួលតបថា មេគាត់បញ្ហាសតិអារម្ម មិនអាចតបបាននោះទេ តបហើយក៏លុបចោលដូចមុនទៀត។

 

បើមានប្រតិកម្មណាមួយ ពីភាគីពាក់ព័ន្ធក្រោយពីការចុះផ្សាយ ភាគីនោះអាចទាក់ទងបំភ្លឺជូនអង្គភាពយើងបានរៀងរាល់ម៉ោងធ្វើការ ដោយយោងពីច្បាប់ស្តីពីរបបសារព័ត៌មាន និងធម្មនុញ្ញវិជ្ញាជីវៈសារព័ត៌មាន ជាពិសេស គឺលោក ណន សីហាតែម្តង។

 

 

👉(សូមអានបន្ត)

ក្រសួងព័ត៌មាន ចេញលិខិតជម្រាបជូន ដល់ម្ចាស់ប្រព័ន្ធផ្សព្វផ្សាយ ដែលមិនទាន់ចុះបញ្ជី ឱ្យចុះបញ្ជីជាបន្ទាន់យ៉ាងយូរ ត្រឹម០១ ខែកញា ឆ្នាំ២០២៦ ជាកំហិត

ការចេញសេចក្តីជូនដំណឹងនាពេលនេះ ធ្វើឡើងបន្ទាប់ពីក្រសួងព័ត៌មានបានសង្កេតឃើញថា កន្លងមកមានអង្គភាពអាជីវកម្មពាក់ព័ន្ធនឹងវិស័យព័ត៌មាន និងសោតទស្សន៍មួយចំនួន បាននិងកំពុងដំណើរការអាជីវកម្មរបស់ខ្លួនដោយគ្មានអាជ្ញាបណ្ណត្រឹមត្រូវ។ សកម្មភាពទាំងនេះបានបង្កឱ្យមានផលប៉ះពាល់ដល់សណ្តាប់ធ្នាប់សាធារណៈ និងបង្កើតឱ្យមានការប្រកួតប្រជែងមិនស្មោះត្រង់នៅក្នុងទីផ្សារការងារ។

ដើម្បីពង្រឹងការគ្រប់គ្រង និងធានាឱ្យបាននូវរបៀបរៀបរយ ក្រសួងព័ត៌មានបានបញ្ជាក់ថា រាល់ការប្រកបអាជីវកម្មនានា រួមមាន អាជីវកម្មកាសែត ព្រឹត្តិបត្រ ទស្សនាវដ្តី គេហទំព័រ វិទ្យុ ទូរទស្សន៍ រោងពុម្ព គ្រឹះស្ថានបោះពុម្ពផ្សាយ សេវាបោះពុម្ព ភ្នាក់ងារផ្សាយពាណិជ្ជកម្ម និងសេវាផ្សព្វផ្សាយពាណិជ្ជកម្មផ្សេងៗ គឺដាច់ខាតត្រូវតែមានការអនុញ្ញាតពីក្រសួងព័ត៌មានជាមុនសិន ទើបអាចដំណើរការទៅបានដោយស្របច្បាប់៕

👉(សូមអានបន្ត)

សេចក្ដីបំភ្លឺព័ត៌មាន របស់រដ្ឋបាលខេត្តកំពង់ចាម ស្ដីពីសំឡេងសន្ទនារវាងថ្នាក់ដឹកនាំ

 សេចក្ដីបំភ្លឺព័ត៌មាន

ស្ដីពីសំឡេងសន្ទនារវាងថ្នាក់ដឹកនាំក្រសួងធនធានទឹក និងឧតុនិយម
និងឯកឧត្តមអភិបាលនៃគណៈអភិបាលខេត្តកំពង់ចាម។

👉(សូមអានបន្ត)

លោក Ko1 ត្រូវបានឃាត់ខ្លួនហើយ ក្រោយចូលបំភ្លឺនៅស្នងការរាជធានីភ្នំពេញ

 30/06/26

ភ្នំពេញ៖មុននេះបន្តិច លោក ប៊ុន សត្យា ស្នងការរងរាជធានីភ្នំពេញ ទទួលផែនព្រហ្មទណ្ឌ បានឆ្លើយតបមក #អងគភាពរស្មីនាគមាស យើងអោយដឹងថា លោក Ko1 ត្រូវបានឃាត់ខ្លួនហើយ។

រឿងរ៉ាវនេះបណ្តាលមកពី លោកK01 បានទះកំភ្លៀងយុវជនម្នាក់ឱ្យលុតជង្គង់សំពះម្តាយ ដោយសកម្មភាព យុវជននោះ មិនស្តាប់បង្គាប់។

👉(សូមអានបន្ត)

អភិបាលខេត្តកំពង់ចាម អញ្ជើញចុះពិនិត្យច្រាំងទន្លេមេគង្គដែលបាក់ស្រុតនៅក្រុងកំពង់ចាម ជាមួយរដ្ឋមន្ត្រីក្រសួងធនធានទឹក

អភិបាលខេត្តកំពង់ចាម អញ្ជើញចុះពិនិត្យច្រាំងទន្លេមេគង្គដែលបាក់ស្រុតនៅក្រុងកំពង់ចាម ជាមួយរដ្ឋមន្ត្រីក្រសួងធនធានទឹក

(កំពង់ចាម) នារសៀលថ្ងៃទី២៩ ខែមិថុនា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំក្រុមការងារខេត្ត និងមន្ត្រីពាក់ព័ន្ធ អញ្ជើញចូលរួមអមដំណើរ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អញ្ជើញចុះពិនិត្យស្ថានភាពជាក់ស្តែងទីតាំងច្រាំងទន្លេមេគង្គដែលបានរងការបាក់ស្រុតកាលពីពេលកន្លងទៅ ស្ថិតនៅក្បែរកំពង់រង់ចាំ ក្នុង សង្កាត់កំពង់ចាម ក្រុងកំពង់ចាម ខេត្តកំពង់ចាម ដើម្បីត្រៀមរៀបចំសាងសង់សំណង់ទប់ច្រាំងថ្មីឡើងវិញ បន្ទាប់ពីសំណង់មួយនេះបានទប់ទល់នឹងឥទ្ធិពលទឹកទន្លេអស់រយៈកាលជាង១០ឆ្នាំ។

បើតាមការបញ្ជាក់របស់លោក អ៊ុម វិបុល ប្រធានមន្ទីរធនធានទឹក និងឧតុនិយម បានឲ្យដឹងថា ករណីបាក់ស្រុតផ្លូវ និងច្រាំងទន្លេមេគង្គនេះ បានបង្កការព្រួយបារម្ភដល់ប្រជាពលរដ្ឋដែលរស់នៅក្បែរ និងអ្នកនិយមធ្វើដំណើរលើដងផ្លូវនេះផងដែរ។ ហេតុការណ៍បាក់ស្រុតច្រាំងទន្លេមេគង្គ ស្ថិតនៅក្នុងភូមិសាស្ត្រខាងលើ បានកើតឡើងកាលពីយប់ថ្ងៃទី៣០ ខែមករា ឆ្នាំ២០២៦។ ច្រាំងទន្លេនេះ បានកសាងតាំងពីឆ្នាំ២០១២ ដោយរដ្ឋបាលខេត្តកំពង់ចាម។ ទំហំនៃការខូចខាត រួមមាន៖ ១) ផ្នែកខាងលើ បាក់ស្រុតការ៉ូឡាបណ្តោយប្រវែង ៧០ម៉ែត្រ ទទឹង ១,១ម៉ែត្រ និងកម្ពស់ចាប់ពី ០,៣ម៉ែត្រ-១,៦ម៉ែត្រ និង២)ផ្នែកខាងក្រោម បាក់ស្រុតបេតុងបណ្តោយប្រវែង ៧០ម៉ែត្រ ទទឹង ៣២ម៉ែត្រ ក្នុងនោះបញ្ហាប្រឈមប្រវែង ៣៥ម៉ែត្រ កម្ពស់ចាប់ពី ០,១ម៉ែត្រ-០,៣ម៉ែត្រ។

 

លោកប្រធានមន្ទីរ បន្តថា ក្រោមកិច្ចអន្តរាគមន៍របស់ ឯកឧត្តម អ៊ុន ចាន់ដា អភិបាលខេត្តកំពង់ចាម បានដាក់ចេញផែនការសាងសង់ច្រាំងការពារថ្មី បានជួយរំដោះក្តីបារម្ភ និងបង្កលក្ខណៈងាយស្រួលដល់ការរស់នៅ និងការធ្វើដំណើររបស់ប្រជាពលរដ្ឋឡើងវិញ។

ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងសង្កត់ធ្ងន់ថា ដោយបានការយកចិត្តទុកដាក់ខ្ពស់ពីប្រមុខរាជរដ្ឋាភិបាល សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានជំរុញឱ្យក្រសួងធនធានទឹក និងឧតុនិយម សហការជាមួយរដ្ឋបាលខេត្តកំពង់ចាម ចុះធ្វើអន្តរាគមន៍ជំហានដំបូង ក្នុងការទប់ស្កាត់កុំឱ្យរងគ្រោះជាងនេះ ដោយត្រូវប្រើបាវខ្សាច់(GeoTextile) ព្រមទាំងសិក្សាលទ្ធភាព ដើម្បីពន្លឿនការងារសាងសង់សំណង់ទប់ច្រាំងថ្មីនេះឱ្យបានឆាប់រហ័ស និងមានគុណភាពរឹងមាំយូរអង្វែង៕

👉(សូមអានបន្ត)

ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន អញ្ជើញជាអធិបតីបើកវគ្គបណ្តុះបណ្តាលស្តីពី «ជំនាញបច្ចេកទេសសារព័ត៌មាន» ដែលប្រព្រឹត្តទៅចាប់ពីថ្ងៃទី២៥ ដល់ថ្ងៃទី២៩ ខែឧសភា ឆ្នាំ២០២៦។

 ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន អញ្ជើញជាអធិបតីបើកវគ្គបណ្តុះបណ្តាលស្តីពី «ជំនាញបច្ចេកទេសសារព័ត៌មាន» ដែលប្រព្រឹត្តទៅចាប់ពីថ្ងៃទី២៥ ដល់ថ្ងៃទី២៩ ខែឧសភា ឆ្នាំ២០២៦។

វគ្គបណ្តុះបណ្តាលនេះ ធ្វើឡើងដើម្បីពង្រឹងសមត្ថភាពនិងចំណេះ ដឹងផ្នែកសារព័ត៌មាន លើជំនាញសរសេរព័ត៌មាន ជំនាញសម្ភាសន៍និងប្រមូលព័ត៌មាន ព្រមទាំងបង្កើនការ ប្រើប្រាស់បច្ចេកវិទ្យាឌីជីថលក្នុងប្រព័ន្ធផ្សព្វផ្សាយ និងលើកកម្ពស់សីលធម៌វិជ្ជាជីវៈឱ្យកាន់តែមានគុណភាព និងប្រសិទ្ធភាព នៅសាលបណ្តុះបណ្តាលវិក្រឹតការវិជ្ជាជីវៈសារព័ត៌មាន រាជធានីភ្នំពេញ នាព្រឹកថ្ងៃទី២៥ ខែឧសភា ឆ្នាំ២០២៦។រូបថត៖ ខឹម សុវណ្ណារ៉ា

👉(សូមអានបន្ត)

រដ្ឋបាលខេត្តកំពង់ចាម សូមជម្រាបជូនដល់ម្ចាស់ទីតាំងជួលស្នាក់នៅទាំងអស់​ តាមបណ្តាក្រុង​ ស្រុក​ ក្នុងខេត្តកំពង់ចាម

 រដ្ឋបាលខេត្តកំពង់ចាម សូមជម្រាបជូនដល់ម្ចាស់ទីតាំងជួលស្នាក់នៅទាំងអស់​ តាមបណ្តាក្រុង​ ស្រុក​ ក្នុងខេត្តកំពង់ចាម

      ការដែលបងប្អូនទទួលភ្ញៀវអន្តរជាតិ ដែលមិនមានឯកសារត្រឹមត្រូវ បើរកឃើញត្រូវទទួលពិន័យម្នាក់ ៤លានរៀល​ (១.០០០ដុល្លារ) ឫលេីសពីនេះទៅតាមស្ថានភាពល្មេីស (ច្បាប់ក៌បានអនុវត្ត​ ចំពោះទីតាំងមួយចំនួនរួចហើយ ដោយគ្មានការលើកលែងជាដាច់ខាត)។

ប្រសិន​បើរកឃើញមានការសហការបើក​ Scam Online នោះម្ចាស់ទីតាំងនឹងជាប់ទោសទណ្ឌ បន្ថែមទៀត។

      កុំដេីម្បីប្រយោជន៍តិចតួចបំផ្លាញកិត្តិយសខេត្ត និង ជាតិខ្លួនឯង អាជ្ញាធរ​ មានសមត្ថកិច្ចនឹងស្រាវជ្រាវ​ អនុវត្តច្បាប់គ្រប់ទីកន្លែងដោយមិនលេីកលែង។ 

​     គណៈបញ្ជាការឯកភាព​រដ្ឋបាលគ្រប់ថ្នាក់​ នៃខេត្តកំពង់ចាម បានសច្ចាធានាជូនសម្តេចធិបតី​ នាយករដ្ឋមន្ត្រីរួចហើយ​ ហេីយប្តេជ្ញា​ បោសសំអាត​ Scam online អោយអស់ពីមូលដ្ឋាន​ ស្រុក​ ក្រុង​ និងខេត្ត​ ដើម្បីលើកមុខមាត់កិត្តិយសកម្ពុជាយើង។

       សូមជូនជ្រាបដល់ម្ចាស់ទីតាំង បងប្អូនប្រជាពលរដ្ឋ និង មន្រ្តីគ្រប់លំដាប់ថ្នាក់ទាំងអស់​ សូមកុំពាក់ព័ន្ធ​ កុំនៅពីក្រោយ​ កុំអន្តរាគមន៍ និងសូមសហការ​រាយការណ៍​មកអាជ្ញាធរមានសមត្ថកិច្ច​ ដេីម្បីប្តេជ្ញាចិត្តរួមគ្នា​ រៀបចំសម្អាតផ្ទះយើងអោយបានស្អាត ដើម្បីចូលរួមជាមួយរាជរដ្ឋាភិបាលក្នុងការអភិវឌ្ឍ​ប្រទេស និងសេដ្ឋកិច្ចជាតិឲ្យបានរឹងមាំបន្ថែមទៀត។​ ( សូមបងប្អូន​ ទំនាក់ទំនងផ្តល់ពត៍មាន តាមរយ:លេខទូរស័ព្ទ​ :​ 

​   -​ 017 669 507​ នាយករដ្ឋបាលខេត្ត

​   -​ 012 497 559 ស្នងការនគរបាលខេត្ត​ 

​   -​ 097 429 6789 មេបញ្ជាការកងរាជអាវុធហត្ថខេត្ត

   - 017 441 476 ប្រធានមន្ទីរទេសចរណ៍ខេត្ត។

👉(សូមអានបន្ត)

រដ្ឋមន្ត្រីក្រសួងសុខាភិបាល អញ្ជើញប្រកាសចូលកាន់មុខតំណែង ប្រធានមន្ទីរសុខាភិបាល នៃរដ្ឋបាលខេត្តកំពង់ចាម

 រដ្ឋមន្ត្រីក្រសួងសុខាភិបាល អញ្ជើញប្រកាសចូលកាន់មុខតំណែង ប្រធានមន្ទីរសុខាភិបាល នៃរដ្ឋបាលខេត្តកំពង់ចាម

ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល នៅថ្ងៃទី៣១ ខែមីនា ឆ្នាំ២០២៦ អញ្ជើញជាអធិបតី ក្នុងពិធីប្រកាស លោកវេជ្ជបណ្ឌិត វ៉ា សាវុធ ឱ្យចូលកាន់មុខតំណែងជាប្រធានមន្ទីរសុខាភិបាល នៃរដ្ឋបាលខេត្តកំពង់ចាម ជំនួស ឯកឧត្តមវេជ្ជបណ្ឌិត គីមសួរ ភីរុណ ដែលបានចូលនិវត្តន៍។

ពិធីនេះធ្វើនៅសាលាខេត្តកំពង់ចាម ដោយមានការអញ្ជើញចូលរួមពី ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ,ប្រធានសាលាដំបូង និងអយ្យការអមសាលាដំបូងខេត្ត, ថ្នាក់ដឹកនាំមន្ទីរអង្គភាពជុំវិញខេត្ត, កងកម្លាំងប្រដាប់អាវុធទាំង៣, អាជ្ញាធរក្រុង-ស្រុក ,លោក លោកស្រី អនុប្រធានមន្ទីរ និងមន្ត្រីរាជការ នៃមន្ទីរសុខាភិបាល ព្រមទាំងបុគ្គលិកសុខាភិបាល ជាច្រេីននាក់។

ឯកឧត្តម អ៊ុន ចាន់ដា អភិបាលខេត្តកំពងចាម ថ្លែងថា រាជរដ្ឋាភិបាល នីតិកាលទី៧នៃរដ្ឋសភា ក្រោមការដឹកនាំប្រកបដោយទស្សវិស័យវែង ឆ្ងាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ដែលក្នុងនោះ បញ្ចកោណទី១ បាន កំណត់ អំពីការអភិវឌ្ឍមូលធនមនុស្ស តាមរយៈការផ្តោតលើអាទិភាពចំនួន ៥ ក្នុងនោះ អាទិភាព ទី៣ គឺការលើកកម្ពស់សុខភាព និងសុខុមាលភាពប្រជាជន ដែលមានគោលដៅ ជាយុទ្ធសាស្ត្រគឺ បន្តកាត់បន្ថយអត្រាឈឺ និងស្លាប់បណ្តាលមកពីជំងឺ ជាពិសេសជំងឺមិនឆ្លងចម្បងៗ និងការលើក កម្ពស់សុភាពបន្តពូជ មាតា ទារក និងកុមារ។

នាឱកាសនោះ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល លើកឡើងថា ប្រធានមន្ទីរដែលចូលកាន់មុខតំណែងថ្មី ត្រូវអនុវត្តការងារឱ្យ បានល្អ ជាមួយមន្ទីរ-ស្ថាប័នពាក់ព័ន្ធ បញ្ចេញឱ្យអស់ពីភាពរបស់ខ្លួន ត្រូវយកចិត្តទុកដាក់សហការ ចេះកៀរគរធនធាន ព្រមទាំង ចេះប្រើប្រាស់ឱ្យអស់លទ្ធភាពនូវធនធានមានស្រាប់ រក្សាឱ្យបាននូវ សាមគ្គីភាពផ្ទៃក្នុង ដឹកនាំគ្រប់គ្រងមន្ត្រីរាជការក្រោមឱវាទប្រកបដោយ សេចក្តីគោរព ក្រមសីលធម៌វិជ្ជាជីវៈ លើការផ្តល់សេវាសុខាភិបាលឱ្យ កាន់តែមានគុណភាពប្រសើរឡើងស្របតាមគោលនយោបាយ សុខាភិបាលជាតិស្តីពីការប្រតិបត្តិគ្លីនិកពិធីសារ នៃការពិនិត្យព្យាបាល ស្តង់ដារគុណភាព ផែនការយុទ្ធសាស្ត្រសុខាភិបាល មគ្គុទ្ទេសក៍ក្នុង ការបម្រើប្រជាពលរដ្ឋ និងបទដ្ឋានបច្ចេកទេសនានា ជាពិសេស ស្របតាមគោលនយោបាយស្តីពីការផ្តល់សេវាសាធារណៈរបស់ រាជរដ្ឋាភិបាលកម្ពុជាឱ្យបានកាន់តែល្អប្រសើរឡើង៕

ប្រភព៖មន្ទីព័ត៌មានខេត្តកំពង់ចាម

👉(សូមអានបន្ត)

សេចក្តីអំពាវនាវ របស់រដ្ឋបាលស្រុកកោះសូទិន ដើម្បីគងគៀជួយដល់ជនភៀសសឹក

រដ្ឋបាលស្រុកកោះសូទិន សូមធ្វើការអំពាវនាវដល់ ឯកឧត្តម លោកជំទាវលោកអ្នកឧកញ៉ អ្នកឧកញ៉ា ឧកញ៉ា លោក-លោកស្រីប្រធានការិយាល័យចំណុះរដ្ឋបាលស្រុក លោក លោកស្រីប្រធាន ការិយាល័យជំនាញជុំវិញស្រុក លោក លោកស្រីមេឃុំទាំង៨ក្រុមហ៊ុនឯកជន ព្រះសង្ឃ អង្គការសាសនា ព្រមទាំងមន្រ្តីរាជការ អាជីវករ ពាណិជ្ជករ និងប្រជាពលរដ្ឋទាំងអស់ សូមជួយចូលរួមបរិច្ចាគ ជាវិភាគទាន ផ្តល់ជាអំណោយសប្បុរសធម៌ តាមការស្ម័គ្រចិត្តទោះតិចក្តីច្រើនក្តី ដូចជា៖ ថវិកា សម្ភារ គ្រឿងឧបភោគ បរិភោគ ថ្នាំពេទ្យជាដើម ដើម្បី នាំយកនូវអំណោយទាំងនោះ ទៅឧបត្ថម្ភដល់វីរៈកងទ័ពកម្ពុជា កំពុងឈរជើងតំបន់ជួរមុខ និងប្រជាពលរដ្ឋភៀសសឹកដែលកំពុងបន្តស្នាក់នៅតាមមណ្ឌលសុវត្ថិភាពនិងសូម យកមកប្រគល់ជូននៅសាលាស្រុកកោះសូទិន រៀងរាល់ម៉ោងធ្វើការ រហូតដល់ថ្ងៃទី២៥ ខែមីនា ឆ្នាំ២០២៦។

👉(សូមអានបន្ត)

កិច្ចប្រជុំបង្កើតក្រុមការងាររៀបចំចងក្រងកម្រងរូបភាព និងផលិតវីដេអូឯកសារអំពី សកម្មភាពថ្នាក់ដឹកនាំ និងការអភិវឌ្ឍក្នុងខេត្តកំពង់ចាម

 កិច្ចប្រជុំបង្កើតក្រុមការងាររៀបចំចងក្រងកម្រងរូបភាព និងផលិតវីដេអូឯកសារអំពី សកម្មភាពថ្នាក់ដឹកនាំ និងការអភិវឌ្ឍក្នុងខេត្តកំពង់ចាម

ឯកឧត្តម ស្រី សុភ័ក្ត្រ អភិបាលរងខេត្ត តំណាង ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នាព្រឹកថ្ងៃទី២៥ ខែមីនា ឆ្នាំ២០២៦ អញ្ជើញដឹកនាំកិច្ចប្រជុំបង្កើតក្រុមការងាររៀបចំចងក្រងកម្រងរូបភាព និងផលិតវីដេអូឯកសារអំពី សកម្មភាពថ្នាក់ដឹកនាំ និងការអភិវឌ្ឍក្នុងខេត្តកំពង់ចាម នៅសាលប្រជុំសាលាខេត្តកំពង់ចាម។

ឯកឧត្តមអភិបាលរងខេត្ត បានបញ្ជាក់ថា ក្រុមការងារនេះ គឺជា ក្រុមការងារស្នូល របស់ខេត្ត ដែលជួយឱ្យរដ្ឋបាលខេត្តមានមូលដ្ឋានច្បាស់លាស់ និងភស្តុតាងក្នុងការបង្ហាញពីការអភិវឌ្ឍរីកចម្រើនរបស់ខេត្ត។ ដើម្បីធានាបាននូវការរៀបចំចងក្រងកម្រងរូបភាព និងផលិតវីដេអូឯកសារអំពីសកម្មភាពថ្នាក់ដឹកនាំ និង ការអភិវឌ្ឍក្នុងខេត្តកំពង់ចាមឱ្យមានប្រសិទ្ធភាព និងមានលក្ខណៈវិទ្យាសាស្ត្រ ដែលជាប្រយោជន៍ដល់ការងារ រដ្ឋបាលខេត្ត ក្រុមការងារមានតួនាទី និងភារកិច្ច ដូចខាងក្រោម៖

១.ត្រូវតាមដានជាប់ជាប្រចាំនូវកម្មវិធីការងាររបស់ថ្នាក់ខេត្ត ចាត់តាំងអ្នកចុះផ្តិតយករូបភាព និង វីដេអូសកម្មភាពជាក់ស្តែងរបស់ថ្នាក់ដឹកនាំខេត្ត និងក្រុមការងាររាជរដ្ឋាភិបាល ចុះមូលដ្ឋានខេត្ត។

២.តាមដានកត់ត្រានូវប្រសាសន៍សំខាន់ៗ គោលការណ៍ដឹកនាំ និងការសម្រេចចិត្តក្នុងកិច្ចប្រជុំនានា ដើម្បីប្រើប្រាស់ជាអត្ថបទអមជាមួយរូបភាព។

៣.បែងចែករូបភាព និងវីដេអូទៅតាមប្រភេទវិស័យ (ដូចជា៖ សំណង់ ហេដ្ឋារចនាសម្ព័ន្ធរូបវ័ន្ត, កសិកម្ម ឧស្សាហកម្ម សកម្មភាពផ្សេងៗ។ល។)

៤.រៀបចំប្រព័ន្ធរក្សាទុកឯកសារ ដែលមានសុវត្ថិភាពខ្ពស់ ងាយស្រួល ក្នុងការស្វែងរកតាមរយៈ Keywords ឬកាលបរិច្ឆេទ។

៥.ចងក្រងសកម្មភាពប្រចាំថ្ងៃ ប្រចាំសប្តាហ៍ ប្រចាំខែ និងប្រចាំឆ្នាំ ជាវីដេអូខ្លីៗ ដើម្បីបង្ហាញពីវឌ្ឍនភាព ការងារ និងការអភិវឌ្ឍរបស់ខេត្តពីមួយដំណាក់កាលទៅមួយដំណាក់កាល។

៦.ការផ្ទៀងផ្ទាត់ភាពត្រឹមត្រូវ ពិនិត្យភាពត្រឹមត្រូវតាមឋានានុក្រម ឈ្មោះថ្នាក់ដឹកនាំ និងខ្លឹមសារព័ត៌មាន មុននឹងបញ្ជូនទៅរក្សាទុកជាឯកសារផ្លូវការ។

៧.ការពារ និងរក្សាការសម្ងាត់នូវរូបភាព ឬឯកសារវីដេអូដែលមិនទាន់អនុញ្ញាតឱ្យផ្សព្វផ្សាយជាសាធារណៈ ផ្តល់រូបភាព និងព័ត៌មានស្តីពីសកម្មភាពថ្នាក់ដឹកនាំជូនមន្ទីរព័ត៌មានខេត្ត ដើម្បី ផ្សព្វផ្សាយទៅកាន់ប្រជាពលរដ្ឋ។

៨.រៀបចំឯកសាររូបភាពជូនតាមការស្នើសុំពីក្រសួង ឬស្ថាប័នពាក់ព័ន្ធសម្រាប់ការងារផ្សេងៗ៕

👉(សូមអានបន្ត)