តើលោក សៀង ពិសិដ្ឋ ជាអ្នកណាទើបហ៊ានបញ្ជាគ្រឿងចក្រ អោយបន្តសកម្មភាព ខណៈដែលអាជ្ញាធរធ្លាប់ចុះផ្អាកចំនួន២ដងហើយ

 

ខេត្តស្វាយរៀង៖ក្រោយពីអាជ្ញាធរ ចុះឃាត់និងផ្អាកក្រុមគ្រឿងចក្ររបស់ក្រុមឈ្មួញដឹកដី ចំនួនពីរលើករួចហើយក៏ដោយ ក៏តំណាងភាគីខាងចាក់បំពេញដីឡូតិ៍ឈ្មោះ ពិសិដ្ឋ នៅតែបន្តបញ្ជាឱ្យភាគីខាងរថយន្តដឹកដី ដឹកដដែលដោយមិនខ្លាច និងញញើតច្បាប់សូម្បីបន្តិចសោះឡើយ នេះបើយោងតាមការលើកឡើងរបស់ភាគី(ខ) ឈ្មោះ អុល សុជាតា ដែលបានលើកឡើង។

ទីតាំងដែលជីកយកអាច់ដី និងយកដីចាក់បំពេញ គឺស្ថិតនៅចំណុចភូមិកណ្តាល សង្កាត់ប្រាសាទ ក្រុងស្វាយរៀង ខេត្តស្វាយរៀង។

សូមលោក សៀង ពិសិដ្ឋ ជួយបកស្រាយជូនមហាជនផង ចំពោះការលើកឡើងក្នុងវីដេអូ របស់ភាគី(ខ) តើជាការពិតមែនឬមួយយ៉ាងណា ដើម្បីបញ្ជៀសនូវការភ័ណ្ឌច្រឡំ ផ្សេងៗ។ 

ក្រោយពីការចុះផ្សាយ ប្រសិនបើមានប្រតិកម្មណាមួយពីភាគីពាក់ព័ន្ធ អាចទាក់ទងបកស្រាយបានមកកាន់អង្គភាពយើង រៀងរាល់ម៉ោងធ្វើការ ដោយយោងពីច្បាប់ស្តីពីរបបសារព័ត៌មាន។