លោកមេភូមិ និងពលរដ្ឋរបស់ខ្លួន លើកដៃសំពះ សុំឱ្យលោក យី យ៉េន អភិបាលស្រុកមុខកំពូល សងលុយជាង៥ម៉ឺនដុល្លា ថ្លៃទិញដី

 

ខេត្តកណ្តាល៖ពលរដ្ឋមួយគ្រួសារ រស់នៅភូមិព្រែកឬស្សី ឃុំព្រែកឬស្សី ស្រុកល្វាឯម ខេត្តកណ្តាល រួមជាមួយមេភូមិរបស់ខ្លួន បានអញ្ជើញមកដល់អង្គភាព គេហទំព័រ រស្មីនាគមាសយើង ដើម្បីផ្តល់ប្រភពព័ត៌មានឱ្យអង្គភាពយើងដឹងថា គាត់បានលក់ដីមួយកន្លែងនៅចំណុចភូមិពាមស្តី ឃុំព្រែកឬស្សី ស្រុកល្វាឯម

ខេត្តកណ្តាល ទៅឱ្យឈ្មោះ មាស ណារ៉ា ត្រូវជាប្រពន្ធ លោក យី យ៉េន លោកអភិបាលស្រុកមុខកំពូល។

ក្រោយពីទិញរួច លោក យី យ៉េន បានធ្វើលិខិតប្រគល់ប្រាក់១ ជាមួយភាគីអ្នកលក់ និងអាជ្ញាធរ

ក្រោយមកធ្វើកិច្ចសន្យាលើកទី២ តែលោកឱ្យអ្នកផ្សេង ជាអ្នកមកជំនួស ។

លុះហួសកំណត់កិច្ចសន្យាលើកទី២ មានលោកស្រីម្នាក់ឈ្មោះ ម៉ៅ អះអាងថាជាដៃស្តាំ លោក យី យ៉េន អភិបាលស្រុកមុខកំពូល បានចេញមុខដោះស្រាយជំនួស និងថាព្រមប្រគល់លុយតាមកិច្ចសន្យា នៅឃុំបែកចាន ស្រុកអង្គស្នួល ខេត្តកណ្តាល វេលាម៉ោង ៥:៣០នាទីល្ងាច តែលោកស្រីម្នាក់នោះបានត្រឹមតែនិយាយ តែមិនបានប្រគល់លុយដូចការដែលបាននិយាយនោះឡើយ។

ក្រោយពីការចុះផ្សាយ ប្រសិនបើមានភាគីពាក់ព័ន្ធណាមួយ ចង់បកស្រាយ អាចបកស្រាយបានមកអង្គភាព គេហទំព័រ រស្មីនាគមាសយើង រៀងរាល់ម៉ោងធ្វើការ ដោយយោងពីច្បាប់ស្តីពីរបបសារព៍ត៌មាន។